សម្រស់ ស្រស់ស្អាត និងស្រស់ត្រកាល គឺជាបំណងប្រាថ្នារបស់ស្រ្តីគ្រប់រូប ដើម្បីឲ្យសម្រស់របស់ខ្លួនមានភាពស៊ិចស៊ី និងមើលទៅមានភាពទាក់ទាញនោះ ខាងក្រោមនេះគឺជាវិធី៨យ៉ាងសម្រាប់លើកសម្រស់ផ្ទៃមុខៈ
១. ផ្តើមដោយការសំអាតស្បែកមុខឲ្យបានស្អាត បន្ទាប់មកបំពេញសំណើមដោយប្រើម៉យជឺរ៉ៃសឺ និងការពារមួយជាន់ទៀតដោយប្រើឡេការពារកម្តៅថ្ងៃ។
២. សម្រួលស្ថានភាពស្បែកមុខឲ្យរាបរលោង ដោយការប្រើម្សៅទ្រនាប់ស្តើងៗឲ្យសព្វពេញផ្ទៃមុខ បន្ទាប់មកទើបប្រើម្សៅម៉ដ្ឋតាមក្រោយ។
៣. ប្រើជក់គូចិញ្ចើម និងលាបឲ្យឆេដូពណ៌សូកូឡាដេញតាមទម្រង់ចិញ្ចើមស្តើងៗរហូតមើលឃើញ ថា ចិញ្ចើមលេចចេញជារាងរៅត្រដែត។
៤. ចាប់ផ្តើមបន្ថែមសម្រស់ឲ្យត្របកភ្នែកដោយចាប់ផ្តើមពីពណ៌រាង ស្រស់បន្តិចលាបឲ្យសព្វត្រង់ផ្នត់ត្របកភ្នែក។ បន្ទាប់មកពណ៌ចាស់បន្តិចលាបដេញតាមបរិវេណដោយត្របកភ្នែក និងជ្រុងកន្ទុយភ្នែកដើម្បីឲ្យត្របកភ្នែកលេចធ្លោ។ ចុងក្រោយគេប្រើពណ៌ភ្លឺបំផុត លាបនៅត្រង់ដើមភ្នែក និងគល់ចិញ្ចើមដើម្បីជួយលើកពន្លឺនៅត្រង់រង្វង់ភ្នែក។
៥. លាបអាយលឺណឺរ ពណ៌ខ្មៅនៅត្រង់បរិវេណត្របកភ្នែកទាំងផ្នែកខាងលើ និងផ្នែក ខាងក្រោម ដើម្បីជួយបន្ថែមភាពលេចធោ្លដល់រង្វង់ភ្នែកទាំង២ដួងឲ្យកាន់តែមាន មន្តស្នេហ៍គួរឲ្យទាក់ទាញថែមទៀត។
៦. ពត់រោមភ្នែកឲ្យពើង.ង បន្ទាប់មកប្រើម៉ាស្ការ៉ា សង្កត់ទាំងរោមភ្នែកផ្នែកខាងលើ និងផ្នែកខាងក្រោមប្រមាណ២-៣លើក។
៧. សាកល្បងប្រើប្លាស់អន ដែលមានលាយពន្លឺគជ់ខ្យងផាត់ថើៗនៅត្រង់បរិវេណថ្ពាល់ ថ្ងាស ច្រមុះ និងចង្កាដោយប្រើជក់កាន់តែធំកាន់តែល្អ ព្រោះវាជួយធ្វើឲ្យស្បែកមុខរបស់អ្នកមានពណ៌ក្រហមព្រឿងៗបែប ធម្មជាតិ។
៨. ប្រសិនបើអ្នកជ្រើសរើសតុបតែងត្របកភ្នែកដោយពណ៌ចាស់ៗដូចជា Smoky Eyes ណែនាំឲ្យលាបនៅបបូរមាត់ដោយក្រែមពណ៌ស៊ីជម្ពូខ្ចី ឬពណ៌ធម្មជាតិ ឬបើចង់ឲ្យសិចស៊ីដល់កម្រិតគួរលាបក្រែមពណ៌ក្រហមតែម្តងក៏បាន៕
